faiz tha uske tasawwur ka jo chashm-e-tar tak

faiz thā us ke tasavvur kā jo chashm-e-tar tak

qāfile rañg ke khiñch aa.e hamāre ghar tak

dekhte ahl-e-jahāñ zauq-e-vafā ke jauhar

us kī talvār hī pahuñchī na hamāre sar tak

tere kūche kī fazā aur hī kuchh hai yuuñ to

nazreñ ho aa.ī haiñ duniyā ke har ik manzar tak

ai ḳhirad tujh se kisī dil ko jagāyā na gayā

ishq ke haath meñ to bol uThe patthar tak

ham to mausam ke ishāroñ se bahak jaate haiñ

mai-kashī kuchh nahīñ mahdūd ḳhum-o-sāġhar tak

maut aa jaa.e bas ik sajda-e-pur-shauq ke ba.ad

kaash ho jaa.e rasā.ī kabhī tere dar tak

kyā ho anjām taraqqī kā ḳhudā jaane 'jalīl'

shorish-e-aql se larzāñ haiñ mah-o-aḳhtar tak

faiz tha us ke tasawwur ka jo chashm-e-tar tak

qafile rang ke khinch aae hamare ghar tak

dekhte ahl-e-jahan zauq-e-wafa ke jauhar

us ki talwar hi pahunchi na hamare sar tak

tere kuche ki faza aur hi kuchh hai yun to

nazren ho aai hain duniya ke har ek manzar tak

ai KHirad tujh se kisi dil ko jagaya na gaya

ishq ke hath mein to bol uThe patthar tak

hum to mausam ke ishaaron se bahak jate hain

mai-kashi kuchh nahin mahdud KHum-o-saghar tak

maut aa jae bas ek sajda-e-pur-shauq ke baad

kash ho jae rasai kabhi tere dar tak

kya ho anjam taraqqi ka KHuda jaane 'jalil'

shorish-e-aql se larzan hain mah-o-aKHtar tak