aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

falak ke na in mah-paron ko dekho

Anand Narayan Mulla

falak ke na in mah-paron ko dekho

Anand Narayan Mulla

MORE BYAnand Narayan Mulla

    falak ke na in māh-pāroñ ko dekho

    jo miTTī meñ haiñ un sitāroñ ko dekho

    kabhī kārvāñ bhī numūdār hogā

    nigāheñ jamā.e ġhubāroñ ko dekho

    nikal kar kabhī sahr-e-sūd-o-ziyāñ se

    mohabbat ke ujḌe dayāroñ ko dekho

    chaman meñ ye kis chaal se chal rahe ho

    na phūloñ ko dekho na ḳhāroñ ko dekho

    zabāñ husn mo'atabar kab huī hai

    kināyoñ ko samjho ishāroñ ko dekho

    musalleh qatāreñ idhar bhī udhar bhī

    zarā amn rāh-guzāroñ ko dekho

    chaman ḳhizāñ par na aañsū bahāo

    nazar hai to kal bahāroñ ko dekho

    na dekho daraḳhtoñ duurī chaman meñ

    lipaTtī huī shāḳh-sāroñ ko dekho

    zarā jhāñk kar ġhurfa-e-mai-kada se

    taraste laboñ qatāroñ ko dekho

    kisī ke sitam ko bhī samajhte tavajjoh

    are in taġhāful ke māroñ ko dekho

    vo daur-e-hayāt-e-jahāñ aa gayā hai

    bhañvar meñ raho aur kināroñ ko dekho

    baḌho aur hāthoñ ik pal banā lo

    kināroñ se kab tak savāroñ ko dekho

    binā-e-baqā dhamkīyoñ par fanā

    na.e jag ke parvardigāroñ ko dekho

    kabhī nām-e-'mullā' na aayā zabāñ tak

    ye duniyā hai 'mullā' ke yāroñ ko dekho

    falak ke na in mah-paron ko dekho

    jo miTTi mein hain un sitaron ko dekho

    kabhi karwan bhi numudar hoga

    nigahen jamae ghubaron ko dekho

    nikal kar kabhi sahr-e-sud-o-ziyan se

    mohabbat ke ujDe dayaron ko dekho

    chaman mein ye kis chaal se chal rahe ho

    na phulon ko dekho na KHaron ko dekho

    zaban husn ki mo'atabar kab hui hai

    kinayon ko samjho ishaaron ko dekho

    musalleh qataren idhar bhi udhar bhi

    zara amn ki rah-guzaron ko dekho

    chaman ki KHizan par na aansu bahao

    nazar hai to kal ki bahaaron ko dekho

    na dekho daraKHton ki duri chaman mein

    lipaTti hui shaKH-saron ko dekho

    zara jhank kar ghurfa-e-mai-kada se

    taraste labon ki qataron ko dekho

    kisi ke sitam ko bhi samajhte tawajjoh

    are in taghaful ke maron ko dekho

    wo daur-e-hayat-e-jahan aa gaya hai

    bhanwar mein raho aur kinaron ko dekho

    baDho aur hathon ka ek pal bana lo

    kinaron se kab tak sawaron ko dekho

    bina-e-baqa dhamkiyon par fana ki

    nae jag ke parwardigaron ko dekho

    kabhi nam-e-'mulla' na aaya zaban tak

    ye duniya hai 'mulla' ke yaron ko dekho

    Source:

    Kulliyat-e-Anand Narayan Mulla (Pg. 406)

    • Author: Khaliq Anjum
      • Edition: 2010
      • Publisher: National Council for Promotion of Urdu Language-NCPUL
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now