falak ke par uDanon ki had nahin hoti

falak ke paar uḌānoñ kī had nahīñ hotī

vagarna dūsrī jānib bhī ik zamīñ hotī

agar rivāyatī mafhūm bhuul kar dekheñ

to kyā saver bhī kuchh shaam sī nahīñ hotī

vo is tarah mirī hotī nahīñ agar us kī

saheliyoñ meñ koī aur bhī hasīñ hotī

sadā.eñ toḌ na pātīñ ḳhumār kā aalam

agar vo aañkh mire ḳhvāb kī amiiñ hotī

vo mujh ko dekhne mere qarīb aayā hai

ye dhuñd saare mahīnoñ meñ kyuuñ nahīñ hotī

mujhe zamīn se paanī nahīñ milā 'hāris'

vagarna chhāñv bhī merī yahīñ kahīñ hotī

falak ke par uDanon ki had nahin hoti

wagarna dusri jaanib bhi ek zamin hoti

agar riwayati mafhum bhul kar dekhen

to kya sawer bhi kuchh sham si nahin hoti

wo is tarah meri hoti nahin agar us ki

saheliyon mein koi aur bhi hasin hoti

sadaen toD na patin KHumar ka aalam

agar wo aankh mere KHwab ki amin hoti

wo mujh ko dekhne mere qarib aaya hai

ye dhund sare mahinon mein kyun nahin hoti

mujhe zamin se pani nahin mila 'haaris'

wagarna chhanw bhi meri yahin kahin hoti