falak ko jaise sitaron ne gher rakkha hai

falak ko jaise sitāroñ ne gher rakkhā hai

hameñ yuuñ tere ḳhayāloñ ne gher rakkhā hai

hamāre ghar meñ añdhere bhaTak nahīñ sakte

hamāre ghar ko ujāloñ ne gher rakkhā hai

tumhārī yaad hameñ aise ghere rahtī hai

nadī ko jaise kināroñ ne gher rakkhā hai

hamāre zehn meñ kyā aa.egī koī laḌkī

hamārā zehn to hūroñ ne gher rakkhā hai

ḳhabar ye jis ko milī paḌ gayā vo hairat meñ

ki ek shaḳhs ko lākhoñ ne gher rakkhā hai

tumhāre saath guzāre the jo kabhī ai dost

hameñ to bas inhīñ lamhoñ ne gher rakkhā hai

javāb jin ke zamāne meñ mil nahīñ sakte

mujhe kuchh aise savāloñ ne gher rakkhā hai

tumhāre hijr kā ham ko nahīñ hai koī ġham

tumhāre vasl kī yādoñ ne gher rakkhā hai

jo tum ga.e to na aa.ī koī bahār 'āsim'

hamārā baaġh ḳhizāoñ ne gher rakkhā hai

falak ko jaise sitaron ne gher rakkha hai

hamein yun tere KHayalon ne gher rakkha hai

hamare ghar mein andhere bhaTak nahin sakte

hamare ghar ko ujalon ne gher rakkha hai

tumhaari yaad hamein aise ghere rahti hai

nadi ko jaise kinaron ne gher rakkha hai

hamare zehn mein kya aaegi koi laDki

hamara zehn to huron ne gher rakkha hai

KHabar ye jis ko mili paD gaya wo hairat mein

ki ek shaKHs ko lakhon ne gher rakkha hai

tumhaare sath guzare the jo kabhi ai dost

hamein to bas inhin lamhon ne gher rakkha hai

jawab jin ke zamane mein mil nahin sakte

mujhe kuchh aise sawalon ne gher rakkha hai

tumhaare hijr ka hum ko nahin hai koi gham

tumhaare wasl ki yaadon ne gher rakkha hai

jo tum gae to na aai koi bahaar 'asim'

hamara bagh KHizaon ne gher rakkha hai