falak mein uDun panw mein zamin bhi rahe

falak meñ uḌuuñ paañv meñ zamīñ bhī rahe

zabāñ se haañ bhī kahūñ zehn se nahīñ bhī rahe

tire sivā bhī kisī aur kī zamīn thī kyā

chaman meñ dasht meñ sahrā meñ yā kahīñ bhī rahe

mirī hī ḳhaak sar-e-tūr ham-kalām bhī ho

mirī hī ḳhaak meñ aazar panah-guzīñ bhī rahe

vo jis ke dar pe hai ye kā.enāt sajda-rez

usī ke dar pe ḳhamīda mirī jabīñ bhī rahe

nahīñ ye baat to mumkin nahīñ kī sūrat meñ

ki lā-makāñ bhī rahe dil meñ aur makīñ bhī rahe

vo jis kī lahr pe lahrā.e ālam-e-imkāñ

usī ko haq hai vahī zer-e-āstīñ bhī rahe

falak mein uDun panw mein zamin bhi rahe

zaban se han bhi kahun zehn se nahin bhi rahe

tere siwa bhi kisi aur ki zamin thi kya

chaman mein dasht mein sahra mein ya kahin bhi rahe

meri hi KHak sar-e-tur ham-kalam bhi ho

meri hi KHak mein aazar panah-guzin bhi rahe

wo jis ke dar pe hai ye kaenat sajda-rez

usi ke dar pe KHamida meri jabin bhi rahe

nahin ye baat to mumkin nahin ki surat mein

ki la-makan bhi rahe dil mein aur makin bhi rahe

wo jis ki lahr pe lahrae aalam-e-imkan

usi ko haq hai wahi zer-e-astin bhi rahe