falak se chand chaman se gulab le aae

falak se chāñd chaman se gulāb le aa.e

kahāñ se koī tumhārā javāb le aa.e

hazār rañg haiñ husn-o-jamāl ke lekin

vo rañg aur hai jis ko shabāb le aa.e

ajiib turfa-tamāshā hai zindagī merī

ḳhushī bhī aa.e to ġham be-hisāb le aa.e

tire ḳhamīr meñ shāmil hai gumrahī varna

falak se kitne payambar kitāb le aa.e

idhar vo tishna-labī hai ki jāñ-ba-lab haiñ ham

udhar vo dast-e-karam par sarāb le aa.e

usī kī aaj bhī rahtī haiñ muntazir āñkheñ

jo aa bhī jaa.e to sad iztirāb le aa.e

ye sher-goī hai 'aḳhlāq' koī khel nahīñ

kare vo mashq jo chhalnī meñ aab le aa.e

falak se chand chaman se gulab le aae

kahan se koi tumhaara jawab le aae

hazar rang hain husn-o-jamal ke lekin

wo rang aur hai jis ko shabab le aae

ajib turfa-tamasha hai zindagi meri

KHushi bhi aae to gham be-hisab le aae

tere KHamir mein shamil hai gumrahi warna

falak se kitne payambar kitab le aae

idhar wo tishna-labi hai ki jaan-ba-lab hain hum

udhar wo dast-e-karam par sarab le aae

usi ki aaj bhi rahti hain muntazir aankhen

jo aa bhi jae to sad iztirab le aae

ye sher-goi hai 'aKHlaq' koi khel nahin

kare wo mashq jo chhalni mein aab le aae