falak un se jo baDh kar bad-chalan hota to kya hota

falak un se jo baḌh kar bad-chalan hotā to kyā hotā

javāñ se pesh-rau pīr-e-kuhan hotā to kyā hotā

musallam dekh kar yāqūb murde se hue bad-tar

jo yūsuf kā darīda pairahan hotā to kyā hotā

hamārā koh-e-ġham kyā sañg-e-ḳhārā hai jo kaT jaatā

agar mar mar ke zinda kohkan hotā to kyā hotā

atā kī chādar-e-gard us ne apne marne vāloñ ko

huī ḳhilqat kī ye sūrat kafan hotā to kyā hotā

nigah-bāñ jal ga.e chaar āñkheñ hote dekh kar us se

kalīm aasā kahīñ vo ham-suḳhan hotā to kyā hotā

baḌā bad-ahd hai is shohrat-e-īfā-e-vāda par

agar mash.hūr tū paimāñ-shikan hotā to kyā hotā

muqaddar meñ to likkhī hai gadā.ī kū-e-jānāñ kī

agar 'afsar' shahanshāh-e-zaman hotā to kyā hotā

falak un se jo baDh kar bad-chalan hota to kya hota

jawan se pesh-rau pir-e-kuhan hota to kya hota

musallam dekh kar yaqub murde se hue bad-tar

jo yusuf ka darida pairahan hota to kya hota

hamara koh-e-gham kya sang-e-KHara hai jo kaT jata

agar mar mar ke zinda kohkan hota to kya hota

ata ki chadar-e-gard us ne apne marne walon ko

hui KHilqat ki ye surat kafan hota to kya hota

nigah-ban jal gae chaar aankhen hote dekh kar us se

kalim aasa kahin wo ham-suKHan hota to kya hota

baDa bad-ahd hai is shohrat-e-ifa-e-wada par

agar mashhur tu paiman-shikan hota to kya hota

muqaddar mein to likkhi hai gadai ku-e-jaanan ki

agar 'afsar' shahanshah-e-zaman hota to kya hota