fankar ke kaam aai na kuchh dida-wari bhi

Wamiq Jaunpuri

fankar ke kaam aai na kuchh dida-wari bhi

Wamiq Jaunpuri

MORE BYWamiq Jaunpuri

    fankār ke kaam aa.ī na kuchh dīda-varī bhī

    karnā paḌī shahzādoñ ko daryoza-garī bhī

    ik silsila-e-dār-o-rasan phailā huā hai

    minjumala ḳhatāoñ ke hai sāhab-nazarī bhī

    jin hāthoñ ne phāḌe na kabhī jeb o garebāñ

    un hāthoñ se ho saktī nahīñ baḳhiya-garī bhī

    un se to bahr taur har ik rāhzan achchhā

    jo rāhzanī karte haiñ aur rāhbarī bhī

    jab ilm ho sūrat-gar-e-mashshāta-e-dozaḳh

    firdaus hai aadam ke liye be-ḳhabarī bhī

    jab sar se guzar jaatā hai talvār paanī

    sar thaam ke rah jaatī hai bedād-garī bhī

    'vāmiq' tujhe yāroñ se jo begāna banā de

    ik sāġhar-e-be-kaif hai vo nāmvarī bhī

    fankar ke kaam aai na kuchh dida-wari bhi

    karna paDi shahzadon ko daryoza-gari bhi

    ek silsila-e-dar-o-rasan phaila hua hai

    minjumala KHataon ke hai sahab-nazari bhi

    jin hathon ne phaDe na kabhi jeb o gareban

    un hathon se ho sakti nahin baKHiya-gari bhi

    un se to bahr taur har ek rahzan achchha

    jo rahzani karte hain aur rahbari bhi

    jab ilm ho surat-gar-e-mashshata-e-dozaKH

    firdaus hai aadam ke liye be-KHabari bhi

    jab sar se guzar jata hai talwar ka pani

    sar tham ke rah jati hai bedad-gari bhi

    'wamiq' tujhe yaron se jo begana bana de

    ek saghar-e-be-kaif hai wo namwari bhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY