faqat main kyon rahun ruswa teri ruswai bhi to ho

Hilal Badayuni

faqat main kyon rahun ruswa teri ruswai bhi to ho

Hilal Badayuni

MORE BYHilal Badayuni

    faqat maiñ kyoñ rahūñ rusvā tirī rusvā.ī bhī to ho

    sitamgar terī mahfil meñ shab-e-tanhā.ī bhī to ho

    tujhe paane ḳhvāhish meñ jo rakh de jaan bhī girvī

    zamāne meñ mire jaisā koī saudā.ī bhī to ho

    maiñ tum ko bevafā kahtā huuñ to is meñ burā kyā hai

    ye maanā maiñ ki tum apne ho magar harjā.ī bhī to ho

    maiñ kaise Duub saktā huuñ vafā ke ḳhushk dariyā meñ

    tire dariyā-e-ulfat meñ koī gahrā.ī bhī to ho

    shab-e-furqat har lamha sitāre gin ke kaaTā hai

    bichhaḌ ke tujh se ik pal ko hameñ niiñd aa.ī bhī to ho

    maiñ kaise maan luuñ hijr meñ rahtā hai nam-dīda

    tirī āvāz merī tarah se bharrā.ī bhī to ho

    masarrat ke tarāne kyā sunā.eñ sāz-e-ġham par ham

    ḳhushī ke giit gaane ke liye shahnā.ī bhī to ho

    'hilāl' apne muqaddar meñ nahīñ thā vasl-e-jānāna

    duā ham ne bahut thī magar bar aa.ī bhī to ho

    faqat main kyon rahun ruswa teri ruswai bhi to ho

    sitamgar teri mahfil mein shab-e-tanhai bhi to ho

    tujhe pane ki KHwahish mein jo rakh de jaan bhi girwi

    zamane mein mere jaisa koi saudai bhi to ho

    main tum ko bewafa kahta hun to is mein bura kya hai

    ye mana main ki tum apne ho magar harjai bhi to ho

    main kaise Dub sakta hun wafa ke KHushk dariya mein

    tere dariya-e-ulfat mein koi gahrai bhi to ho

    shab-e-furqat ka har lamha sitare gin ke kaTa hai

    bichhaD ke tujh se ek pal ko hamein nind aai bhi to ho

    main kaise man lun tu hijr mein rahta hai nam-dida

    teri aawaz meri tarah se bharrai bhi to ho

    masarrat ke tarane kya sunaen saz-e-gham par hum

    KHushi ke git gane ke liye shahnai bhi to ho

    'hilal' apne muqaddar mein nahin tha wasl-e-jaanana

    dua hum ne bahut ki thi magar bar aai bhi to ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now