faqih-e-shahr ki majlis se kuchh bhala na hua
faqīh-e-shahr kī majlis se kuchh bhalā na huā
ki us se mil ke mizāj aur kāfirāna huā
abhī abhī vo milā thā hazār bāteñ kiiñ
abhī abhī vo gayā hai magar zamāna huā
vo raat bhuul chuko vo suḳhan na doharāo
vo raat ḳhvāb huī vo suḳhan fasāna huā
kuchh ab ke aise kaḌe the firāq ke mausam
tirī hī baat nahīñ maiñ bhī kyā se kyā na huā
hujūm aisā ki rāheñ nazar nahīñ ātīñ
nasīb aisā ki ab tak to qāfila na huā
shahīd-e-shab faqat ahmad-'farāz' hī to nahīñ
ki jo charāġh-ba-kaf thā vahī nishāna huā
faqih-e-shahr ki majlis se kuchh bhala na hua
ki us se mil ke mizaj aur kafirana hua
abhi abhi wo mila tha hazar baaten kin
abhi abhi wo gaya hai magar zamana hua
wo raat bhul chuko wo suKHan na doharao
wo raat KHwab hui wo suKHan fasana hua
kuchh ab ke aise kaDe the firaq ke mausam
teri hi baat nahin main bhi kya se kya na hua
hujum aisa ki rahen nazar nahin aatin
nasib aisa ki ab tak to qafila na hua
shahid-e-shab faqat ahmad-'faraaz' hi to nahin
ki jo charagh-ba-kaf tha wahi nishana hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
