faqir aaina hai parda-e-KHayal nahin
faqīr aa.ina hai parda-e-ḳhayāl nahīñ
mire badan pe kisī maslahat kī shaal nahīñ
ye log jiite haiñ ḳhush-fahmiyoñ kī qabroñ meñ
vatan-parastī kī is se baḌī misāl nahīñ
zamīn maañ bhī hai mahbūb bhī hai beTī bhī
zamīn chhoḌ ke jā.ūñ koī savāl nahīñ
kahāniyoñ kā muqaddar vahī adhūrā-pan
kahīñ firāq nahīñ hai kahīñ visāl nahīñ
bahut udaas rahī zindagī tumhāre baad
ḳhayāl thā ki tumheñ bhūlnā muhāl nahīñ
faqir aaina hai parda-e-KHayal nahin
mere badan pe kisi maslahat ki shaal nahin
ye log jite hain KHush-fahmiyon ki qabron mein
watan-parasti ki is se baDi misal nahin
zamin man bhi hai mahbub bhi hai beTi bhi
zamin chhoD ke jaun koi sawal nahin
kahaniyon ka muqaddar wahi adhura-pan
kahin firaq nahin hai kahin visal nahin
bahut udas rahi zindagi tumhaare baad
KHayal tha ki tumhein bhulna muhaal nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.