fareb-e-mohabbat se ghafil nahin hun
fareb-e-mohabbat se ġhāfil nahīñ huuñ
jo mast-e-junūñ ho vo dil nahīñ huuñ
unheñ azm-e-tark-e-ta.alluq mubārak
maiñ un ke irādoñ meñ haa.il nahīñ huuñ
tirī bazm se hai bas itnā ta.alluq
ki shāmil bhī huuñ aur shāmil nahīñ huuñ
qaum aur aġhyār ke mashvaroñ se
maiñ aisī ināyat kā qaa.il nahīñ huuñ
sambhal kar zarā ai mohabbat kī kashtī
maiñ tūfāñ hī tūfāñ huuñ sāhil nahīñ huuñ
mirā soz-e-hastī hai dūr-az nadāmat
maiñ parvāna huuñ sham-e-mahfil nahīñ huuñ
fareb-e-mohabbat se ghafil nahin hun
jo mast-e-junun ho wo dil nahin hun
unhen azm-e-tark-e-talluq mubarak
main un ke iradon mein hail nahin hun
teri bazm se hai bas itna talluq
ki shamil bhi hun aur shamil nahin hun
qaum aur aghyar ke mashwaron se
main aisi inayat ka qail nahin hun
sambhal kar zara ai mohabbat ki kashti
main tufan hi tufan hun sahil nahin hun
mera soz-e-hasti hai dur-az nadamat
main parwana hun sham-e-mahfil nahin hun
Source:
Kulliyat-e-Shakiil Badaayuuni (Pg. 112)
- Author: Shakiil Badaayuuni
-
- Publisher: Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
