fareb-rang na de jalwa-e-bahaar mujhe

fareb-rañg na de jalva-e-bahār mujhe

azīz-tar haiñ chaman meñ guloñ se ḳhaar mujhe

mirī ḳhatāoñ pe ye bāz-purs mālik-e-hashr

atā huā thā kabhī dil pe iḳhtiyār mujhe

ye un kī yaad ye tūfān-e-rañg-o-bū tauba

milī to dard meñ Duubī huī bahār mujhe

ab us maqām pe manzil hai dard-e-paiham kī

ki har taḌap meñ milī lazzat-e-qarār mujhe

chaman meñ rah ke ye mahrūmiyāñ muqaddar kī

ki maiñ bahār ko dekhā karūñ bahār mujhe

ḳhudā kabhī na dikhā.e vo roz-e-bad 'qaisar'

ki aa.e jalva-e-bātil kā e.atibār mujhe

fareb-rang na de jalwa-e-bahaar mujhe

aziz-tar hain chaman mein gulon se KHar mujhe

meri KHataon pe ye baz-purs malik-e-hashr

ata hua tha kabhi dil pe iKHtiyar mujhe

ye un ki yaad ye tufan-e-rang-o-bu tauba

mili to dard mein Dubi hui bahaar mujhe

ab us maqam pe manzil hai dard-e-paiham ki

ki har taDap mein mili lazzat-e-qarar mujhe

chaman mein rah ke ye mahrumiyan muqaddar ki

ki main bahaar ko dekha karun bahaar mujhe

KHuda kabhi na dikhae wo roz-e-bad 'qaisar'

ki aae jalwa-e-baatil ka eatibar mujhe