farq kuchh to chahiye aghyar se

farq kuchh to chāhiye aġhyār se

sirr-e-ulfat ham chhupā.eñ yaar se

apnī āñkhoñ se agar tashbīh duuñ

ashk Tapke rauzan-e-dīvār se

baat un kī mo'tabar hai sach kahā

haal merā pūchhiye aġhyār se

us kī choTī meñ nahīñ mūbāf surḳh

uThe haiñ shole dahān-e-mār se

dhuup meñ baiThūñ ki ḳhajlat se udū

bhaag jaa.eñ sāya-e-dīvār se

paas se tere uThātī ġhair ko

zor ho saktā jo chashm-e-zār se

chhūTtī haiñ muñh pe kyā mahtābiyāñ

vasl ke din sāya-e-dīvār se

sau tarah kī fikr meñ taskīñ' paḌe

dil lagā kar us but-e-ayyār se

farq kuchh to chahiye aghyar se

sirr-e-ulfat hum chhupaen yar se

apni aankhon se agar tashbih dun

ashk Tapke rauzan-e-diwar se

baat un ki mo'tabar hai sach kaha

haal mera puchhiye aghyar se

us ki choTi mein nahin mubaf surKH

uThe hain shole dahan-e-mar se

dhup mein baiThun ki KHajlat se udu

bhag jaen saya-e-diwar se

pas se tere uThati ghair ko

zor ho sakta jo chashm-e-zar se

chhuTti hain munh pe kya mahtabiyan

wasl ke din saya-e-diwar se

sau tarah ki fikr mein taskin' paDe

dil laga kar us but-e-ayyar se