fasana-e-gham-e-dil aapko suna dete

fasāna-e-ġham-e-dil aap ko sunā dete

ġhurūr-e-husn ko ham aur kuchh baḌhā dete

nigāh-e-shauq pe ilzām-e-hashr aa jaatā

jo aap hashr se pahle naqāb uThā dete

nigāh-e-nāz se ik baar dekh lete idhar

tumhārī nazroñ ko ham umr bhar duā dete

ḳhatā muaaf na hotī ye garmi-e-mahfil

ham apnā dil na agar sham.a saañ jalā dete

matā-e-zīst usī dard ko samajhte haiñ

vagarna yaad tirī dil se ham bhulā dete

ye gulshan apnī hī rañgīniyoñ pe nāzāñ hai

na jaane ahl-e-nazar haiñ kise duā dete

ḳhayāl-e-zulf rahā maqsad-e-hayāt 'shamīm'

bahār-e-shām-e-chaman par dhyān kyā dete

fasana-e-gham-e-dil aap ko suna dete

ghurur-e-husn ko hum aur kuchh baDha dete

nigah-e-shauq pe ilzam-e-hashr aa jata

jo aap hashr se pahle naqab uTha dete

nigah-e-naz se ek bar dekh lete idhar

tumhaari nazron ko hum umr bhar dua dete

KHata muaf na hoti ye garmi-e-mahfil

hum apna dil na agar shama san jala dete

mata-e-zist usi dard ko samajhte hain

wagarna yaad teri dil se hum bhula dete

ye gulshan apni hi ranginiyon pe nazan hai

na jaane ahl-e-nazar hain kise dua dete

KHayal-e-zulf raha maqsad-e-hayat 'shamim'

bahaar-e-sham-e-chaman par dhyan kya dete