fasil-e-zat mein dar to teri inayat hai

fasīl-e-zāt meñ dar to tirī ināyat hai

par is meñ āmad-e-vahshat mirī izāfat hai

jab ā.īne dar-o-dīvār par nikal aa.eñ

to shahr-e-zāt meñ rahnā bhī ik qayāmat hai

maiñ apne saare savāloñ ke jāntā huuñ javāb

mirā savāl mire zehn kī sharārat hai

zarā sī der to mausam ye aarzū kā rahe

abhī bhī qalb o jigar meñ zarā harārat hai

maiñ apnī zaat se bāhar nikal to aayā huuñ

ab apne-āp se milne meñ kyā qabāhat hai

ye apnā ghar maiñ sar-e-rāh le to aayā huuñ

badal le rāsta sūraj to phir sarāhat hai

ye sar-zamīn to dariyāoñ se banī hai 'sa.īd'

ye aur baat ki pul se tumheñ adāvat hai

fasil-e-zat mein dar to teri inayat hai

par is mein aamad-e-wahshat meri izafat hai

jab aaine dar-o-diwar par nikal aaen

to shahr-e-zat mein rahna bhi ek qayamat hai

main apne sare sawalon ke jaanta hun jawab

mera sawal mere zehn ki shararat hai

zara si der to mausam ye aarzu ka rahe

abhi bhi qalb o jigar mein zara hararat hai

main apni zat se bahar nikal to aaya hun

ab apne-ap se milne mein kya qabahat hai

ye apna ghar main sar-e-rah le to aaya hun

badal le rasta suraj to phir sarahat hai

ye sar-zamin to dariyaon se bani hai 'said'

ye aur baat ki pul se tumhein adawat hai