fasl-e-rasan-o-dar mein aa humne suna hai

fasl-e-rasan-o-dār meñ aa ham ne sunā hai

paiġhām tirā zulf-e-rasā ham ne sunā hai

rañgīñ nazar aate haiñ tire kūcha-o-bāzār

guzrā hai koī ābla-pā ham ne sunā hai

kyā baat hai us kūcha-e-dildār kī yaaro

phirtī hai ka.ī din se sabā ham ne sunā hai

dekhī hai tire āriz-e-gul-rañg meñ bijlī

kahte tirī zulfoñ ko ghaTā ham ne sunā hai

ye rañg ye ḳhushbū ye chamaktī huī rāheñ

TuuTā hai koī band-e-qabā ham ne sunā hai

'dilkash' jo kaheñ bhī to kaheñ kis se ġham-e-dil

apnā to sanam hai na ḳhudā ham ne sunā hai

fasl-e-rasan-o-dar mein aa hum ne suna hai

paigham tera zulf-e-rasa hum ne suna hai

rangin nazar aate hain tere kucha-o-bazar

guzra hai koi aabla-pa hum ne suna hai

kya baat hai us kucha-e-dildar ki yaro

phirti hai kai din se saba hum ne suna hai

dekhi hai tere aariz-e-gul-rang mein bijli

kahte teri zulfon ko ghaTa hum ne suna hai

ye rang ye KHushbu ye chamakti hui rahen

TuTa hai koi band-e-qaba hum ne suna hai

'dilkash' jo kahen bhi to kahen kis se gham-e-dil

apna to sanam hai na KHuda hum ne suna hai