faza chaman ki zara sazgar ho to sahi

fazā chaman kī zarā sāzgār ho to sahī

bahār par bhī yaqīn-e-bahār ho to sahī

jalāo dil ki chhaTe manziloñ kī tārīkī

koī charāġh sar-e-rahguzār ho to sahī

sunā hai tū bhī masīhā-e-asr-e-hāzir hai

magar ilāj-e-ġham-e-rozgār ho to sahī

ik ek samt haiñ charche tirī vafāoñ ke

ḳhatā muaaf hameñ e.atibār ho to sahī

dikhā.eñ chiir ke dil kis ko terī mahfil meñ

koī hamārā yahāñ ġham-gusār ho to sahī

ruḳh-e-hayāt pe kyoñ jam rahī hai gard-e-malāl

ye raaz tujh pe kabhī āshkār ho to sahī

jabīn-e-vaqt pe bal paḌ rahe haiñ kyoñ āḳhir

kiye pe apne zarā sharmsār ho to sahī

dayār-e-ġhair meñ bhī aabrū se guzregī

'tufail' aisā ġharīb-ud-dayār ho to sahī

faza chaman ki zara sazgar ho to sahi

bahaar par bhi yaqin-e-bahaar ho to sahi

jalao dil ki chhaTe manzilon ki tariki

koi charagh sar-e-rahguzar ho to sahi

suna hai tu bhi masiha-e-asr-e-hazir hai

magar ilaj-e-gham-e-rozgar ho to sahi

ek ek samt hain charche teri wafaon ke

KHata muaf hamein eatibar ho to sahi

dikhaen chir ke dil kis ko teri mahfil mein

koi hamara yahan gham-gusar ho to sahi

ruKH-e-hayat pe kyon jam rahi hai gard-e-malal

ye raaz tujh pe kabhi aashkar ho to sahi

jabin-e-waqt pe bal paD rahe hain kyon aaKHir

kiye pe apne zara sharmsar ho to sahi

dayar-e-ghair mein bhi aabru se guzregi

'tufail' aisa gharib-ud-dayar ho to sahi