faza-e-dil mein ghani tirgi si lagti hai
fazā-e-dil meñ ghanī tīrgī sī lagtī hai
kahīñ kahīñ pe zarā raushnī sī lagtī hai
baḌā ajiib mohabbat kā daur hotā hai
kahīñ pe maut kahīñ zindagī sī lagtī hai
chamakne lagtī hai har chiiz mere kamre kī
tumhārī yaad koī phuljhaḌī sī lagtī hai
maiñ sochtā huuñ kahūñ kaise bevafā us ko
mujhe to apne hī andar kamī sī lagtī hai
tumhārī yaad ko jab bhī gale lagātā huuñ
mire badan meñ koī sansanī sī lagtī hai
koī bahut baḌā tūfān aane vaalā hai
jahāñ bhī dekho havā chup khaḌī sī lagtī hai
tumhārī soch meñ maiñ rañg apne bhar na sakā
ye sochtā huuñ to sharmindagī sī lagtī hai
faza-e-dil mein ghani tirgi si lagti hai
kahin kahin pe zara raushni si lagti hai
baDa ajib mohabbat ka daur hota hai
kahin pe maut kahin zindagi si lagti hai
chamakne lagti hai har chiz mere kamre ki
tumhaari yaad koi phuljhaDi si lagti hai
main sochta hun kahun kaise bewafa us ko
mujhe to apne hi andar kami si lagti hai
tumhaari yaad ko jab bhi gale lagata hun
mere badan mein koi sansani si lagti hai
koi bahut baDa tufan aane wala hai
jahan bhi dekho hawa chup khaDi si lagti hai
tumhaari soch mein main rang apne bhar na saka
ye sochta hun to sharmindagi si lagti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
