faza-e-ishq-o-hawas mushk-bar karta hua

fazā-e-'ishq-o-havas mushk-bār kartā huā

hai kaun ḳhāk-e-badan ko ġhubār kartā huā

bas ik irāda ki ik baar apnā ho jā.ūñ

hazār tarh se be-iḳhtiyār kartā huā

tire jamāl ke jauhar ko taab detā thā

mirā nasheb tujhe ābshār kartā huā

lahū meñ ghultā huā sā tumhārā rang-e-talab

maiñ kār-e-hosh bhī dīvāna-vār kartā huā

hamāre zard gulāboñ kā surḳh-rū honā

'adū ke sīna-e-ḳhanjar pe vaar kartā huā

rihā.ī duniyā ke 'ifrīt se dilāte hue

phir 'ishq thā mirī duniyā shikār kartā huā

farishte jhūmte sar dhunte vajd karte hue

maiñ terī hamd ke daane shumār kartā huā

faza-e-'ishq-o-hawas mushk-bar karta hua

hai kaun KHak-e-badan ko ghubar karta hua

bas ek irada ki ek bar apna ho jaun

hazar tarh se be-iKHtiyar karta hua

tere jamal ke jauhar ko tab deta tha

mera nasheb tujhe aabshaar karta hua

lahu mein ghulta hua sa tumhaara rang-e-talab

main kar-e-hosh bhi diwana-war karta hua

hamare zard gulabon ka surKH-ru hona

'adu ke sina-e-KHanjar pe war karta hua

rihai duniya ke 'ifrit se dilate hue

phir 'ishq tha meri duniya shikar karta hua

farishte jhumte sar dhunte wajd karte hue

main teri hamd ke dane shumar karta hua