faza-e-mai-kada be-rang lag rahi hai mujhe

fazā-e-mai-kada be-rañg lag rahī hai mujhe

rag-e-gulāb rag-e-sañg lag rahī hai mujhe

ye chand din meñ qayāmat guzar ga.ī kaisī

ki aaj sulh tirī jañg lag rahī hai mujhe

mire makān se do-gām par hai terī galī

ye aaj saikḌoñ farsañg lag rahī hai mujhe

nvā-e-naġhma bhī haiñ soz-o-sāz se ḳhālī

fuġhāñ bhī ḳhārij-az-āhañg lag rahī hai mujhe

zarūr phir koī uftād paḌne vaalī hai

ki ye zamīn bahut tañg lag rahī hai mujhe

faza-e-mai-kada be-rang lag rahi hai mujhe

rag-e-gulab rag-e-sang lag rahi hai mujhe

ye chand din mein qayamat guzar gai kaisi

ki aaj sulh teri jang lag rahi hai mujhe

mere makan se do-gam par hai teri gali

ye aaj saikDon farsang lag rahi hai mujhe

nwa-e-naghma bhi hain soz-o-saz se KHali

fughan bhi KHarij-az-ahang lag rahi hai mujhe

zarur phir koi uftad paDne wali hai

ki ye zamin bahut tang lag rahi hai mujhe