faza mein wahshat-e-sang-o-sinan ke hote hue

Iftikhar Arif

faza mein wahshat-e-sang-o-sinan ke hote hue

Iftikhar Arif

MORE BYIftikhar Arif

    fazā meñ vahshat-e-sañg-o-sināñ ke hote hue

    qalam hai raqs meñ āshob-e-jāñ ke hote hue

    hamīñ meñ rahte haiñ vo log bhī ki jin ke sabab

    zamīñ buland huī āsmāñ ke hote hue

    ba-zid hai dil ki na.e rāste nikāle jaa.eñ

    nishān-e-rah-guzar-e-raftagāñ ke hote hue

    jahān-e-ḳhair meñ ik hujra-e-qanā.at-o-sabr

    ḳhudā kare ki rahe jism o jaañ ke hote hue

    qadam qadam pe dil-e-ḳhush-gumāñ ne khaa.ī maat

    ravish ravish nigah-e-mehrbāñ ke hote hue

    maiñ ek silsila-e-ātishīñ meñ bai.at thā

    so ḳhaak ho gayā nām-o-nishāñ ke hote hue

    maiñ chup rahā ki vazāhat se baat baḌh jaatī

    hazār sheva-e-husn-e-bayāñ ke hote hue

    ulajh rahī thī havāoñ se ek kashtī-e-harf

    paḌī hai ret pe āb-e-ravāñ ke hote hue

    bas ek ḳhvāb sūrat kahīñ hai ghar merā

    makāñ ke hote hue lā-makāñ ke hote hue

    duā ko haat uThāte hue laraztā huuñ

    kabhī duā nahīñ māñgī thī maañ ke hote hue

    faza mein wahshat-e-sang-o-sinan ke hote hue

    qalam hai raqs mein aashob-e-jaan ke hote hue

    hamin mein rahte hain wo log bhi ki jin ke sabab

    zamin buland hui aasman ke hote hue

    ba-zid hai dil ki nae raste nikale jaen

    nishan-e-rah-guzar-e-raftagan ke hote hue

    jahan-e-KHair mein ek hujra-e-qanaat-o-sabr

    KHuda kare ki rahe jism o jaan ke hote hue

    qadam qadam pe dil-e-KHush-guman ne khai mat

    rawish rawish nigah-e-mehrban ke hote hue

    main ek silsila-e-atishin mein baiat tha

    so KHak ho gaya nam-o-nishan ke hote hue

    main chup raha ki wazahat se baat baDh jati

    hazar shewa-e-husn-e-bayan ke hote hue

    ulajh rahi thi hawaon se ek kashti-e-harf

    paDi hai ret pe aab-e-rawan ke hote hue

    bas ek KHwab ki surat kahin hai ghar mera

    makan ke hote hue la-makan ke hote hue

    dua ko hat uThate hue larazta hun

    kabhi dua nahin mangi thi man ke hote hue

    RECITATIONS

    Iftikhar Arif

    Iftikhar Arif

    Iftikhar Arif

    faza mein wahshat-e-sang-o-sinan ke hote hue Iftikhar Arif

    Source :
    • Book : Mahr-e-Do neem (Pg. 55)
    • Author : iftikhaar aarif
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY