faza udas hai suraj bhi kuchh niDhaal sa hai

fazā udaas hai sūraj bhī kuchh niDhāl sā hai

ye shaam hai ki koī farsh-e-pā.emāl sā hai

tire dayār meñ kyā tez dhuup thī lekin

ghane daraḳht bhī kuchh kam na the ḳhayāl sā hai

kuchh itne paas se ho kar vo raushnī guzrī

ki aaj tak dar-o-dīvār ko malāl sā hai

kidhar kidhar se havāoñ ke sāmne aa.uuñ

charāġh kyā hai mire vāste vabāl sā hai

kahāñ se uThte haiñ bādal kahāñ baraste haiñ

hamāre shahr kī āñkhoñ meñ ik savāl sā hai

safar se lauT ke aa.e to dekhte haiñ 'faroġh'

jahāñ makāñ thā vahāñ rāstoñ kā jaal sā hai

faza udas hai suraj bhi kuchh niDhaal sa hai

ye sham hai ki koi farsh-e-paemal sa hai

tere dayar mein kya tez dhup thi lekin

ghane daraKHt bhi kuchh kam na the KHayal sa hai

kuchh itne pas se ho kar wo raushni guzri

ki aaj tak dar-o-diwar ko malal sa hai

kidhar kidhar se hawaon ke samne aaun

charagh kya hai mere waste wabaal sa hai

kahan se uThte hain baadal kahan baraste hain

hamare shahr ki aankhon mein ek sawal sa hai

safar se lauT ke aae to dekhte hain 'farogh'

jahan makan tha wahan raston ka jal sa hai