fikr-e-besh-o-kam nahin unki raza ke samne

Urooj Zaidi Badayuni

fikr-e-besh-o-kam nahin unki raza ke samne

Urooj Zaidi Badayuni

MORE BYUrooj Zaidi Badayuni

    fikr-e-besh-o-kam nahīñ un razā ke sāmne

    ye mujhe taslīm hai arz-o-samā ke sāmne

    jo talab-nā-āshnā ho mā-sivā ke sāmne

    haath phailātī hai duniyā us gadā ke sāmne

    ye kamāl-e-jazb-e-dil merī nazar se duur thā

    aap ḳhud aa jā.eñge parda uThā ke sāmne

    sochnā paḌtā hai kyuuñ bebas huuñ kyuuñ majbūr huuñ

    maiñ sar-e-āġhāz-o-fikr-o-intihā ke sāmne

    vo to kahiye merā dil āmāj-gāh-e-shauq hai

    varna kaun aatā hai tere be-ḳhatā ke sāmne

    kyā batā.ūñ merī ġharqābī meñ kis haath thā

    nāḳhudā ko pesh honā hai ḳhudā ke sāmne

    TuuT jā.egā tililsm-e-rāstī-o-rahbarī

    maiñ agar ā.īna rakh duuñ rahnumā ke sāmne

    ai zamīr-e-zinda mere har-qadam par ehtisāb

    nāma-e-a.amāl jā.egā ḳhudā ke sāmne

    āñdhiyāñ un ko bujhā deñ āñdhiyoñ kyā majāl

    maiñ ne vo sham.eñ jalā.ī haiñ havā ke sāmne

    shiddat-e-ehsās-e-tauba vo aalam hai 'urūj'

    jaam mere sāmne hai maiñ ḳhudā ke sāmne

    fikr-e-besh-o-kam nahin un ki raza ke samne

    ye mujhe taslim hai arz-o-sama ke samne

    jo talab-na-ashna ho ma-siwa ke samne

    hath phailati hai duniya us gada ke samne

    ye kamal-e-jazb-e-dil meri nazar se dur tha

    aap KHud aa jaenge parda uTha ke samne

    sochna paDta hai kyun bebas hun kyun majbur hun

    main sar-e-aghaz-o-fikr-o-intiha ke samne

    wo to kahiye mera dil aamaj-gah-e-shauq hai

    warna kaun aata hai tere be-KHata ke samne

    kya bataun meri gharqabi mein kis ka hath tha

    naKHuda ko pesh hona hai KHuda ke samne

    TuT jaega tililsm-e-rasti-o-rahbari

    main agar aaina rakh dun rahnuma ke samne

    ai zamir-e-zinda mere har-qadam par ehtisab

    nama-e-amal jaega KHuda ke samne

    aandhiyan un ko bujha den aandhiyon ki kya majal

    main ne wo shamen jalai hain hawa ke samne

    shiddat-e-ehsas-e-tauba ka wo aalam hai 'uruj'

    jam mere samne hai main KHuda ke samne

    Source:

    • Book : Lahje ke Chiraag (Pg. 53)
    • Author : Urooj Zaidi
    • Publication : Irfan Zaidi, Rampur (1989)
    • Edition : 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY