aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

fikr-o-KHayal mein tumhein lane se faeda

Baldev Raaj

fikr-o-KHayal mein tumhein lane se faeda

Baldev Raaj

MORE BYBaldev Raaj

    fikr-o-ḳhayāl meñ tumheñ laane se fā.eda

    ḳhud apne ghar meñ aag lagāne se fā.eda

    baiThe biThā.e ko jalāne se fā.eda

    ta.amīr-e-zindagī ko miTāne se fā.eda

    fariyād-o-āh nāla-o-shevan fuzūl haiñ

    shab ḳhamoshiyoñ ko jagāne se fā.eda

    pāmāl ho chuke haiñ ye andāz-e-āshiqī

    yuuñ sar kisī ke dar pe jhukāne se fā.eda

    achchhā nahīñ hai ishq meñ ḳhuddāriyoñ ḳhuun

    jo ḳhud na aa.e us ko bulāne se fā.eda

    ishq aur ḳhayāl-e-ta.an-e-zamāna ġhalat ġhalat

    āḳhir batāo ham ko zamāne se fā.eda

    ashkoñ meñ bah chukī hai nigāh-e-jamāl jo

    ab be-naqāb sāmne aane se fā.eda

    gar jāvedāñ nahīñ hai mohabbat to ai nadīm

    ye ḳhvāb-e-zar-nigār dikhāne se fā.eda

    bahr-e-sukūñ meñ Duub ga.ī mauj-e-iztirāb

    sāhil pe ġham sog manāne se fā.eda

    maiñ bevafā huuñ tum ho vafādār haañ durust

    ai 'raaj aur baat baḌhāne se fā.eda

    fikr-o-KHayal mein tumhein lane se faeda

    KHud apne ghar mein aag lagane se faeda

    baiThe biThae ji ko jalane se faeda

    tamir-e-zindagi ko miTane se faeda

    fariyaad-o-ah nala-o-shewan fuzul hain

    shab ki KHamoshiyon ko jagane se faeda

    pamal ho chuke hain ye andaz-e-ashiqi

    yun sar kisi ke dar pe jhukane se faeda

    achchha nahin hai ishq mein KHuddariyon ka KHun

    jo KHud na aae us ko bulane se faeda

    ishq aur KHayal-e-tan-e-zamana ghalat ghalat

    aaKHir batao hum ko zamane se faeda

    ashkon mein bah chuki hai nigah-e-jamal jo

    ab be-naqab samne aane se faeda

    gar jawedan nahin hai mohabbat to ai nadim

    ye KHwab-e-zar-nigar dikhane se faeda

    bahr-e-sukun mein Dub gai mauj-e-iztirab

    sahil pe gham ka sog manane se faeda

    main bewafa hun tum ho wafadar han durust

    ai 'raj aur baat baDhane se faeda

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now