fikr-o-taKHayyulat ke par zinda hain abhi

fikr-o-taḳhayyulāt ke par zinda haiñ abhī

būḌhe zarūr haiñ ye magar zinda haiñ abhī

saa.e meñ zindagī ko bitāne ke vāste

rāh-e-hayāt ke vo shajar zinda haiñ abhī

us ko lagā kī chāhne vaale nahīñ mere

lekin use milī ye ḳhabar zinda haiñ abhī

māyūs-o-nā-umīd na hoñge kabhī bhī ham

ummīd ke ye shams-o-qamar zinda haiñ abhī

ham ye samajh rahe haiñ ke vo mar chuke magar

apne hunar meñ ahl-e-hunar zinda haiñ abhī

apnī jagah hai tark-e-ta'alluq kī ḳhud-kushī

jo saath meñ kiye the safar zinda haiñ abhī

apne ġham-o-ḳhushī ko chhupā.eñ to kis tarah

'vājid' jahāñ meñ ahl-e-nazar zinda haiñ abhī

fikr-o-taKHayyulat ke par zinda hain abhi

buDhe zarur hain ye magar zinda hain abhi

sae mein zindagi ko bitane ke waste

rah-e-hayat ke wo shajar zinda hain abhi

us ko laga ki chahne wale nahin mere

lekin use mili ye KHabar zinda hain abhi

mayus-o-na-umid na honge kabhi bhi hum

ummid ke ye shams-o-qamar zinda hain abhi

hum ye samajh rahe hain ke wo mar chuke magar

apne hunar mein ahl-e-hunar zinda hain abhi

apni jagah hai tark-e-ta'alluq ki KHud-kushi

jo sath mein kiye the safar zinda hain abhi

apne gham-o-KHushi ko chhupaen to kis tarah

'wajid' jahan mein ahl-e-nazar zinda hain abhi