fikr soi hai sar-e-sham jaga di jae

fikr soī hai sar-e-shām jagā dī jaa.e

ek bujhtī sī añgīThī ko havā dī jaa.e

kisī jañgal meñ agar ho to bujhā dī jaa.e

kaise tan-man meñ lagī aag dabā dī jaa.e

talḳhi-e-zīst kī shiddat kā taqāza hai yahī

zehn o dil meñ jo masāfat hai ghaTā dī jaa.e

tīrgī shab kī basī jaa.e hai hastī meñ mirī

sub.h ko jā ke ye rūdād sunā dī jaa.e

ishq vāloñ kī fuġhāñ zabt-e-fuġhāñ hotī hai

āshiq-e-vaqt ko ye baat batā dī jaa.e

ḳhāk-e-sahrā to bahut duur hai ai vahshat-e-dil

kyuuñ na zehnoñ pe jamī gard uḌā dī jaa.e

vo haqīqat jo nigāhoñ se ayaañ hotī hai

kaise ādāb ke parde meñ chhupā dī jaa.e

fikr soi hai sar-e-sham jaga di jae

ek bujhti si angiThi ko hawa di jae

kisi jangal mein agar ho to bujha di jae

kaise tan-man mein lagi aag daba di jae

talKHi-e-zist ki shiddat ka taqaza hai yahi

zehn o dil mein jo masafat hai ghaTa di jae

tirgi shab ki basi jae hai hasti mein meri

subh ko ja ke ye rudad suna di jae

ishq walon ki fughan zabt-e-fughan hoti hai

aashiq-e-waqt ko ye baat bata di jae

KHak-e-sahra to bahut dur hai ai wahshat-e-dil

kyun na zehnon pe jami gard uDa di jae

wo haqiqat jo nigahon se ayan hoti hai

kaise aadab ke parde mein chhupa di jae