fikr yahi hai har ghaDi gham yahi subh o sham hai

Nizam Rampuri

fikr yahi hai har ghaDi gham yahi subh o sham hai

Nizam Rampuri

MORE BY Nizam Rampuri

    fikr yahī hai har ghaḌī ġham yahī sub.h o shaam hai

    gar na milā vo kuchh dinoñ kaam yahāñ tamām hai

    ab haiñ hamāre naam par saikḌoñ gāliyāñ ye lutf

    kahte the tum miyāñ miyāñ vo to ye ġhulām hai

    ḳhair na miliye roz roz yūñhī sahī kabhī kabhī

    us se bhī inhirāf hai is meñ bhī kuchh kalām hai

    ai dil-e-be-qarār kuchh kar vo ruke to rukne de

    fā.eda iztirāb se sabr ye maqām hai

    koī kahe burā bhalā koī adū ho ho dost

    aur kisī se kaam kyā aap se mujh ko kaam hai

    haa.e har ik vo sune kuchh maiñ kahūñ to ye kahe

    aap na mujh se kuchh kaheñ aap se kab kalām hai

    aaj haiñ ham to jāñ-ba-lab kal ko gar aa.e bhī husūl

    tum ko kisī se kyā ġharaz apnī ḳhushī se kaam hai

    ye bhī ġhazab rashk hai ḳhat to hai nām-e-ġhair par

    aur lifāfe par likhā sahv se merā naam hai

    kis ko kyā shahīd-e-nāz kis huī vafā pasand

    kahte haiñ un ke dar par aaj ḳhalq azhdahām hai

    ab haiñ fareb kis liye hogā yaqīñ kisī ko ab

    tum se vafā aarzū ye bhī ḳhayāl-e-ḳhām hai

    tauba yaañ kise ḳhayāl mai ko samajhte haiñ halāl

    jis ke liye harām hai us ke liye harām hai

    din ho to āfateñ ye kuchh raat ho to ye kuchh sitam

    kaisī hamārī sub.h hai kaisī hamārī shaam hai

    hijr ke vo sitam sahe ab na rahī havā-e-vasl

    haal yahī hai nāma-bar ye mirā payām hai

    sun ke mirī fuġhāñ shor pūchhā kisī ne kaun hai

    bole sunā na hogā kyaa, ye to vahī 'nizām' hai

    fikr yahi hai har ghaDi gham yahi subh o sham hai

    gar na mila wo kuchh dinon kaam yahan tamam hai

    ab hain hamare nam par saikDon galiyan ye lutf

    kahte the tum miyan miyan wo hi to ye ghulam hai

    KHair na miliye roz roz yunhi sahi kabhi kabhi

    us se bhi inhiraf hai is mein bhi kuchh kalam hai

    ai dil-e-be-qarar kuchh kar wo ruke to rukne de

    faeda iztirab se sabr ka ye maqam hai

    koi kahe bura bhala koi adu ho ya ho dost

    aur kisi se kaam kya aap se mujh ko kaam hai

    hae har ek ki wo sune kuchh main kahun to ye kahe

    aap na mujh se kuchh kahen aap se kab kalam hai

    aaj hain hum to jaan-ba-lab kal ko gar aae bhi husul

    tum ko kisi se kya gharaz apni KHushi se kaam hai

    ye bhi ghazab ka rashk hai KHat to hai nam-e-ghair par

    aur lifafe par likha sahw se mera nam hai

    kis ko kya shahid-e-naz kis ki hui wafa pasand

    kahte hain un ke dar par aaj KHalq ka azhdaham hai

    ab hain fareb kis liye hoga yaqin kisi ko ab

    tum se wafa ki aarzu ye bhi KHayal-e-KHam hai

    tauba ka yan kise KHayal mai ko samajhte hain halal

    jis ke liye haram hai us ke liye haram hai

    din ho to aafaten ye kuchh raat ho to ye kuchh sitam

    kaisi hamari subh hai kaisi hamari sham hai

    hijr ke wo sitam sahe ab na rahi hawa-e-wasl

    haal yahi hai nama-bar ye hi mera payam hai

    sun ke meri fughan ka shor puchha kisi ne kaun hai

    bole suna na hoga kya, ye to wahi 'nizam' hai

    Source:

    • Book : kulliyat-e-nizaam (Pg. 357)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY