firāq-e-yār kā ḳhatra visāl-e-yār meñ hai
ḳhizāñ kī fikr ḳhizāñ meñ na thī bahār meñ hai
ulajh rahā huuñ ki dil merā kis shumār meñ hai
na iḳhtiyār se bāhar na iḳhtiyār meñ hai
chaman kahāñ jo ḳhayāl-e-ḳhizāñ chaman meñ rahe
bahār hī vo nahīñ hosh jis bahār meñ hai
yahāñ to zikr ko kaafī nahīñ dilī harkāt
hazār daana kī tasbīh kis shumār meñ hai
chaman meñ jā ke garebāñ ko chaak kar 'nātiq'
sunā hai mausam-e-gul tere intizār meñ hai
firaq-e-yar ka KHatra visal-e-yar mein hai
KHizan ki fikr KHizan mein na thi bahaar mein hai
ulajh raha hun ki dil mera kis shumar mein hai
na iKHtiyar se bahar na iKHtiyar mein hai
chaman kahan jo KHayal-e-KHizan chaman mein rahe
bahaar hi wo nahin hosh jis bahaar mein hai
yahan to zikr ko kafi nahin dili harkat
hazar dana ki tasbih kis shumar mein hai
chaman mein ja ke gareban ko chaak kar 'natiq'
suna hai mausam-e-gul tere intizar mein hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
