firaun koi koi namrud ho gaya hai

fir.aun koī koī namrūd ho gayā hai

afsos tuḳhm-e-insāñ nābūd ho gayā hai

zar jab se mere ghar meñ maujūd ho gayā hai

har ġhair merā tab se maudūd ho gayā hai

hotā thā pahle insāñ meñ ek insāñ maḳhfī

insān jo magar ab mardūd ho gayā hai

sadiyoñ se un laboñ ko jumbish nahīñ dī jis ne

us se samāj saarā ḳhush-nūd ho gayā hai

nafrat kā vo pujārī hai buġhz us kā sheva

so pyaar us ke aage be-sūd ho gayā hai

us ke sabhī masā.il mādūm karte karte

merā sukūn saarā mafqūd ho gayā hai

jab se gayā tū 'nāqir' ko chhoḌ kar yahāñ se

sāmān yaañ kā tab se ālūd ho gayā hai

firaun koi koi namrud ho gaya hai

afsos tuKHm-e-insan nabud ho gaya hai

zar jab se mere ghar mein maujud ho gaya hai

har ghair mera tab se maudud ho gaya hai

hota tha pahle insan mein ek insan maKHfi

insan jo magar ab mardud ho gaya hai

sadiyon se un labon ko jumbish nahin di jis ne

us se samaj sara KHush-nud ho gaya hai

nafrat ka wo pujari hai bughz us ka shewa

so pyar us ke aage be-sud ho gaya hai

us ke sabhi masail madum karte karte

mera sukun sara mafqud ho gaya hai

jab se gaya tu 'naqir' ko chhoD kar yahan se

saman yan ka tab se aalud ho gaya hai