fulan se kaam chalta hai fulan se kaam chalta hai

fulāñ se kaam chaltā hai fulāñ se kaam chaltā hai

chalā.eñ vo jahāñ se bhī vahāñ se kaam chaltā hai

kabhī bhūle se kar lete haiñ un kā tazkira ham bhī

kabhī apnā bhī yād-e-raftagāñ se kaam chaltā hai

tumhārī shā.irī jaisī bhī hai jo kuchh bhī hai lekin

tumhārā sirf andāz-e-bayāñ se kaam chaltā hai

tilāvat aur tasbīhāt se āġhāz karte haiñ

hamārā sub.h kī pahlī azaañ se kaam chaltā hai

idhar apnī safoñ meñ bhī bahut se log haiñ us ke

vahāñ baiThe hue us kā yahāñ se kaam chaltā hai

ye itne hāshiya-bardār ham par kyoñ musallat haiñ

hamārā to faqat ik hukmarāñ se kaam chaltā hai

yaqīñ par ab hameñ koī bharosā hī nahīñ 'nāmī'

hamārā āj-kal vahm-o-gumāñ se kaam chaltā hai

fulan se kaam chalta hai fulan se kaam chalta hai

chalaen wo jahan se bhi wahan se kaam chalta hai

kabhi bhule se kar lete hain un ka tazkira hum bhi

kabhi apna bhi yaad-e-raftagan se kaam chalta hai

tumhaari shairi jaisi bhi hai jo kuchh bhi hai lekin

tumhaara sirf andaz-e-bayan se kaam chalta hai

tilawat aur tasbihat se aaghaz karte hain

hamara subh ki pahli azan se kaam chalta hai

idhar apni safon mein bhi bahut se log hain us ke

wahan baiThe hue us ka yahan se kaam chalta hai

ye itne hashiya-bardar hum par kyon musallat hain

hamara to faqat ek hukmaran se kaam chalta hai

yaqin par ab hamein koi bharosa hi nahin 'nami'

hamara aaj-kal wahm-o-guman se kaam chalta hai