furqat ka fusun phail gaya sham se pahle

furqat kā fusūñ phail gayā shaam se pahle

anjām nazar aatā hai anjām se pahle

ham jaur-o-sitam sah ke bhī shikva nahīñ karte

aur morid-e-ilzām haiñ ilzām se pahle

is vāste siine se lagāyā hai tirā ġham

miltī nahīñ rāhat kabhī ālām se pahle

ai dost gavārā hai mujhe ishq meñ sab kuchh

kuchh aur bhī kah lījiye badnām se pahle

taslīm hai rusvā.ī sabab is kā huā kaun

āñkhoñ meñ namī aa.ī tire naam se pahle

kho baiThā huuñ sab hosh-o-ḳhirad ek nazar meñ

aisā hī ḳhumār aayā mujhe jaam se pahle

dīdār ke tālib the 'nazar' ho ga.e mahrūm

dīvār thī ashkoñ kī dar-o-bām se pahle

furqat ka fusun phail gaya sham se pahle

anjam nazar aata hai anjam se pahle

hum jaur-o-sitam sah ke bhi shikwa nahin karte

aur morid-e-ilzam hain ilzam se pahle

is waste sine se lagaya hai tera gham

milti nahin rahat kabhi aalam se pahle

ai dost gawara hai mujhe ishq mein sab kuchh

kuchh aur bhi kah lijiye badnam se pahle

taslim hai ruswai sabab is ka hua kaun

aankhon mein nami aai tere nam se pahle

kho baiTha hun sab hosh-o-KHirad ek nazar mein

aisa hi KHumar aaya mujhe jam se pahle

didar ke talib the 'nazar' ho gae mahrum

diwar thi ashkon ki dar-o-baam se pahle