fursat-e-hijr mein kuchh kar-e-tamasha hi sahi

fursat-e-hijr meñ kuchh kār-e-tamāsha hī sahī

tū nahīñ mujh ko mayassar to ye duniyā hī sahī

maiñ kisī rahm-o-karam par to nahīñ terī tarah

ziist kī raah pe ab chāhe maiñ tanhā hī sahī

qarya-e-ġhair meñ alfāz kā dam ghaTtā hai

fart-e-iz.hār ke pal apnā ilāqa hī sahī

pahle baḌh-chaḌh ke mohabbat meñ kiyā vaqt basar

ab zabūñ-hālī-e-jazbāt meñ itnā hī sahī

jaane vaale tū koī ik to bharam rahne de

kuchh na kuchh dil ke liye hāsil-e-rafta hī sahī

sarsarī rañj pe bantā hai hasan zabt magar

is bahāne se chalo varzish-e-girya hī sahī

fursat-e-hijr mein kuchh kar-e-tamasha hi sahi

tu nahin mujh ko mayassar to ye duniya hi sahi

main kisi rahm-o-karam par to nahin teri tarah

zist ki rah pe ab chahe main tanha hi sahi

qarya-e-ghair mein alfaz ka dam ghaTta hai

fart-e-izhaar ke pal apna ilaqa hi sahi

pahle baDh-chaDh ke mohabbat mein kiya waqt basar

ab zabun-haali-e-jazbaat mein itna hi sahi

jaane wale tu koi ek to bharam rahne de

kuchh na kuchh dil ke liye hasil-e-rafta hi sahi

sarsari ranj pe banta hai hasan zabt magar

is bahane se chalo warzish-e-girya hi sahi