ghaalib ki har zamin mein KHurafat chahiye

'ġhālib' kī har zamīñ meñ ḳhurāfāt chāhiye

taḳhrīb kuchh to bahr-e-mulāqāt chāhiye

choroñ ko bor kiije na aise ḳhulūs se

din kā vo kyā kareñge unheñ raat chāhiye

jo kuchh bhī aap chāheñge mil jā.egā huzūr

bas mantarī se thoḌī mulāqāt chāhiye

insāniyat ko lūTne vāloñ kā hai ilaaj

aise harām-ḳhoroñ ko bas laat chāhiye

gar chāhte haiñ aap ki majnūñ sā ishq ho

patthar bhī sar pe khāne kī auqāt chāhiye

shādī hai ik yatīm kī ḳhushiyoñ ko bāñTne

ik nāchtī kirā.e pe bārāt chāhiye

maz.hab ke aur sex ke business ke vāste

santoñ sī sādhūoñ sī karāmāt chāhiye

in qaidiyoñ ke jurm kī tafsīl ke liye

mujh ko bhī chand roz havālāt chāhiye

jin ko ḳhudā kī zaat se kuchh inhirāf hai

ustād aise logoñ kā bad-zāt chāhiye

paanī ke devtā se mirī hai yahī duā

dilbar na lauT paa.e vo barsāt chāhiye

ik bosa ham ko de do mohabbat ke naam par

ham husn ke faqīr haiñ ḳhairāt chāhiye

la.anat hai tum pe 'rāz' ki nangī hī le chale

kāġhaz meñ lipTī aap kī sauġhāt chāhiye

'ghaalib' ki har zamin mein KHurafat chahiye

taKHrib kuchh to bahr-e-mulaqat chahiye

choron ko bor kije na aise KHulus se

din ka wo kya karenge unhen raat chahiye

jo kuchh bhi aap chahenge mil jaega huzur

bas mantari se thoDi mulaqat chahiye

insaniyat ko luTne walon ka hai ilaj

aise haram-KHoron ko bas lat chahiye

gar chahte hain aap ki majnun sa ishq ho

patthar bhi sar pe khane ki auqat chahiye

shadi hai ek yatim ki KHushiyon ko banTne

ek nachti kirae pe baraat chahiye

mazhab ke aur sex ke business ke waste

santon si sadhuon si karamat chahiye

in qaidiyon ke jurm ki tafsil ke liye

mujh ko bhi chand roz hawalat chahiye

jin ko KHuda ki zat se kuchh inhiraf hai

ustad aise logon ka bad-zat chahiye

pani ke dewta se meri hai yahi dua

dilbar na lauT pae wo barsat chahiye

ek bosa hum ko de do mohabbat ke nam par

hum husn ke faqir hain KHairaat chahiye

lanat hai tum pe 'raaz' ki nangi hi le chale

kaghaz mein lipTi aap ki saughat chahiye