ghaza to tera utar gaya tha

ġhāza to tirā utar gayā thā

maiñ dekh ke ḳhud ko Dar gayā thā

is shahr meñ rāste kā patthar

maiñ jañgaloñ se guzar gayā thā

tahrīr-e-jabīñ miTī huī thī

taqdīr kā zaḳhm bhar gayā thā

be-nūr thī jhiil bhī kañval se

sūraj bhī ḳhalā meñ mar gayā thā

ehsās shabāb ġham mohabbat

ek ek nasha utar gayā thā

dil ko vo sukūñ milā tire paas

jaise maiñ nagar nagar gayā thā

kyā chiiz thī bād-e-sub.h-gāhī

rū-e-gul-e-tar nikhar gayā thā

hamrāh the an-ginat zamāne

maiñ dasht se apne ghar gayā thā

nazroñ kā milāp kaun bhūle

ik sāneha sā guzar gayā thā

iqrār-e-vafā kiyā thā us ne

maiñ fart-e-ḳhushī se mar gayā thā

'siddīq' chalī thī tez āñdhī

miTTī kā badan bikhar gayā thā

ghaza to tera utar gaya tha

main dekh ke KHud ko Dar gaya tha

is shahr mein raste ka patthar

main jangalon se guzar gaya tha

tahrir-e-jabin miTi hui thi

taqdir ka zaKHm bhar gaya tha

be-nur thi jhil bhi kanwal se

suraj bhi KHala mein mar gaya tha

ehsas shabab gham mohabbat

ek ek nasha utar gaya tha

dil ko wo sukun mila tere pas

jaise main nagar nagar gaya tha

kya chiz thi baad-e-subh-gahi

ru-e-gul-e-tar nikhar gaya tha

hamrah the an-ginat zamane

main dasht se apne ghar gaya tha

nazron ka milap kaun bhule

ek saneha sa guzar gaya tha

iqrar-e-wafa kiya tha us ne

main fart-e-KHushi se mar gaya tha

'siddiq' chali thi tez aandhi

miTTi ka badan bikhar gaya tha