gae dinon ke fasane suna rahi hai mujhe
ga.e dinoñ ke fasāne sunā rahī hai mujhe
ye raat aur bhī pāgal banā rahī hai mujhe
ye dhundlī dhundlī sī parchhā.iyāñ haiñ yā ḳhilqat
uThā.e sañg-e-malāmat Darā rahī hai mujhe
khulā vo ek darīcha ghane daraḳhtoñ meñ
vo sabz-posh havā phir bulā rahī hai mujhe
mujhe to chāñd kahīñ bhī nazar nahīñ aatā
koī kiran sī magar jagmagā rahī hai mujhe
mahak uThī hai achānak galī galī dil kī
kalī kalī se tirī baas aa rahī hai mujhe
chaman chaman mirī āvārgī ke charche haiñ
nagar nagar koī āñdhī uḌā rahī hai mujhe
maiñ zindagī kī saḳhāvat pe kaañp uThtā huuñ
ki be-dareġh ye zālim luTā rahī hai mujhe
gae dinon ke fasane suna rahi hai mujhe
ye raat aur bhi pagal bana rahi hai mujhe
ye dhundli dhundli si parchhaiyan hain ya KHilqat
uThae sang-e-malamat Dara rahi hai mujhe
khula wo ek daricha ghane daraKHton mein
wo sabz-posh hawa phir bula rahi hai mujhe
mujhe to chand kahin bhi nazar nahin aata
koi kiran si magar jagmaga rahi hai mujhe
mahak uThi hai achanak gali gali dil ki
kali kali se teri bas aa rahi hai mujhe
chaman chaman meri aawargi ke charche hain
nagar nagar koi aandhi uDa rahi hai mujhe
main zindagi ki saKHawat pe kanp uThta hun
ki be-daregh ye zalim luTa rahi hai mujhe
Source:
Ghazal Calendar-2015 (Pg. 23.12.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
