ghaflat mein soya ab tilak phir howega hoshyar kab

ġhaflat meñ soyā ab tilak phir hovegā hoshyār kab

yaarī lagāyā ḳhalq suuñ pāvegā apnā yaar kab

jhūTī mohabbat bāñdh kar ġhāfil rahā apne suuñ haif

bulbul huuñ sañpḌā daam meñ dekhegā phir gulzār kab

ye ḳhvāb-o-ḳhur farzand-o-zan aur māl-o-zar zindāñ huā

to chhūT kar is qaid suuñ hāsil kare dīdār kab

hirs-o-havā buġhz-o-hasad kibr-o-manī buḳhl o jahal

is rah-zanān suuñ baach kar hovegā bar-ḳhurdār kab

is nafs-e-kāfir-kesh kī ḳhaslat tujhe ma.alūm nahiñ

gar qatl kiitā nahiñ use tujh ko mile dildār kab

bin piir pahuñchā nahiñ kabhī kui sāhil-e-maqsūd ko

mallāh bin kashtī kahīñ hotī hai dariyā paar kab

bar-haq 'alīmullāh' kahā rab qaul yahdī-maiñ-yashā

jannat ke tālib ko kaho aave nazar dīdār kab

ghaflat mein soya ab tilak phir howega hoshyar kab

yari lagaya KHalq sun pawega apna yar kab

jhuTi mohabbat bandh kar ghafil raha apne sun haif

bulbul hun sanpDa dam mein dekhega phir gulzar kab

ye KHwab-o-KHur farzand-o-zan aur mal-o-zar zindan hua

to chhuT kar is qaid sun hasil kare didar kab

hirs-o-hawa bughz-o-hasad kibr-o-mani buKHl o jahal

is rah-zanan sun bach kar howega bar-KHurdar kab

is nafs-e-kafir-kesh ki KHaslat tujhe malum nahin

gar qatl kita nahin use tujh ko mile dildar kab

bin pir pahuncha nahin kabhi kui sahil-e-maqsud ko

mallah bin kashti kahin hoti hai dariya par kab

bar-haq 'alimullah' kaha rab qaul yahdi-main-yasha

jannat ke talib ko kaho aawe nazar didar kab