gahraiyon mein zehn ki girdab sa raha
gahrā.iyoñ meñ zehn kī girdāb sā rahā
sāhil pe bhī khaḌā huā ġharqāb sā rahā
be-nām sī ik aag jalātī rahī mujhe
ḳhuuñ ke bajā.e jism meñ tezāb sā rahā
ḳhālī vajūd hī liye phirtā rahā magar
kāñdhoñ pe umr bhar mire asbāb sā rahā
naġhme bikhertā rahā ehsās-e-talḳh bhī
ḳhāma bhī mere haath meñ mizrāb sā rahā
ashkoñ meñ us ke husn kī lau tairtī rahī
paanī ke āsmān pe mahtāb sā rahā
kaam aa.ī shā.irī bhī 'muzaffar' ke kis qadar
tanhā.ī meñ bhī majma-e-ahbāb sā rahā
gahraiyon mein zehn ki girdab sa raha
sahil pe bhi khaDa hua gharqab sa raha
be-nam si ek aag jalati rahi mujhe
KHun ke bajae jism mein tezab sa raha
KHali wajud hi liye phirta raha magar
kandhon pe umr bhar mere asbab sa raha
naghme bikherta raha ehsas-e-talKH bhi
KHama bhi mere hath mein mizrab sa raha
ashkon mein us ke husn ki lau tairti rahi
pani ke aasman pe mahtab sa raha
kaam aai shairi bhi 'muzaffar' ke kis qadar
tanhai mein bhi majma-e-ahbab sa raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
