ghair ka wo ho gaya achchha hua
ġhair kā vo ho gayā achchhā huā
apne haq meñ jo huā achchhā huā
ishq kā charchā huā achchhā huā
husn bhī mauzūa banā achchhā huā
ham kisī kī chaah meñ jaañ se ga.e
aur raqīboñ ne kahā achchhā huā
jab zuleḳhā misr meñ rusvā huī
kah uThā har dil-jalā achchhā huā
us se ummīd-e-vafā kab thī hameñ
ho gayā vo bevafā achchhā huā
kar ke vo ārā.ish-e-husn-o-jamāl
aur bhī kāfir-adā achchhā huā
ham jo us kī chaah meñ rusvā hue
us ne bhī jal kar kahā achchhā huā
hijr kī lazzat se vāqif ho ga.e
ham se us kā rūThnā achchhā huā
vo mirī mayyat pe royā phuuT kar
us kī yuuñ TuuTī anā achchhā huā
ḳhvāb-e-ġhaflat se to ham jaage 'zafar'
āshiyāna jal gayā achchhā huā
ghair ka wo ho gaya achchha hua
apne haq mein jo hua achchha hua
ishq ka charcha hua achchha hua
husn bhi mauzua bana achchha hua
hum kisi ki chah mein jaan se gae
aur raqibon ne kaha achchha hua
jab zuleKHa misr mein ruswa hui
kah uTha har dil-jala achchha hua
us se ummid-e-wafa kab thi hamein
ho gaya wo bewafa achchha hua
kar ke wo aaraish-e-husn-o-jamal
aur bhi kafir-ada achchha hua
hum jo us ki chah mein ruswa hue
us ne bhi jal kar kaha achchha hua
hijr ki lazzat se waqif ho gae
hum se us ka ruThna achchha hua
wo meri mayyat pe roya phuT kar
us ki yun TuTi ana achchha hua
KHwab-e-ghaflat se to hum jage 'zafar'
aashiyana jal gaya achchha hua
Source:
Shahr-e-Khuban (Pg. 113)
- Author: Zafar Sambhali
-
- Publisher: Zafar Sambhali
- Year of Publication: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
