ghair mumkin hai ki ghaflat koi sayyaad kare

ġhair mumkin hai ki ġhaflat koī sayyād kare

kaun hogā jo mujhe qaid se āzād kare

ḳhauf aisā ki kahīñ phir na bhulā de mujh ko

sochtī huuñ ki kahīñ phir na mujhe yaad kare

zabt itnā ki maiñ dulhan bhī sajā saktī huuñ

shart itnī ki mohabbat se vo irshād kare

vo har ik baat se chāhe to mukar saktā hai

kyā zarūrī hai ki har baat pe hī saad kare

kaun kahtā hai mirā naam liyā hai us ne

us se kahnā ki zarā phir se vo irshād kare

ham tire sāmne rone bhī nahīñ ā.eñge

tū sitam roz nayā shauq se ījād kare

'nūr' rakhtī hai pahāḌoñ sā kaleja lekin

kyā kare yaad tujhe jab dil-e-barbād kare

ghair mumkin hai ki ghaflat koi sayyaad kare

kaun hoga jo mujhe qaid se aazad kare

KHauf aisa ki kahin phir na bhula de mujh ko

sochti hun ki kahin phir na mujhe yaad kare

zabt itna ki main dulhan bhi saja sakti hun

shart itni ki mohabbat se wo irshad kare

wo har ek baat se chahe to mukar sakta hai

kya zaruri hai ki har baat pe hi sad kare

kaun kahta hai mera nam liya hai us ne

us se kahna ki zara phir se wo irshad kare

hum tere samne rone bhi nahin aaenge

tu sitam roz naya shauq se ijad kare

'nur' rakhti hai pahaDon sa kaleja lekin

kya kare yaad tujhe jab dil-e-barbaad kare