ghair-mumkin hai ki miT jae sanam ki surat

ġhair-mumkin hai ki miT jaa.e sanam kī sūrat

dil kā ye naqsh nahīñ naqsh-e-qadam kī sūrat

raat bīmār pe bhārī hai kahīñ tār-e-nafas

TuuT jaa.e na tire qaul-o-qasam kī sūrat

mai-kasho ḳhuub piyo itnā magar hosh rahe

jaam chhalke na kabhī dīda-e-nam kī sūrat

ham sā bad-baḳht zamāne meñ koī kyā hogā

ham ko ḳhushiyāñ bhī milīñ dard-o-alam kī sūrat

kaun hai jis se hameñ pyaar ke do bol mileñ

aaj ke log haiñ patthar ke sanam kī sūrat

fikr-o-ehsās kī āñchoñ se pighal kar 'vāhid'

misl-e-shamshīr huī apne qalam kī sūrat

ghair-mumkin hai ki miT jae sanam ki surat

dil ka ye naqsh nahin naqsh-e-qadam ki surat

raat bimar pe bhaari hai kahin tar-e-nafas

TuT jae na tere qaul-o-qasam ki surat

mai-kasho KHub piyo itna magar hosh rahe

jam chhalke na kabhi dida-e-nam ki surat

hum sa bad-baKHt zamane mein koi kya hoga

hum ko KHushiyan bhi milin dard-o-alam ki surat

kaun hai jis se hamein pyar ke do bol milen

aaj ke log hain patthar ke sanam ki surat

fikr-o-ehsas ki aanchon se pighal kar 'wahid'

misl-e-shamshir hui apne qalam ki surat