ghair par zulm mere hote ye kya hota hai

ġhair par zulm mire hote ye kyā hotā hai

dekhiye dekhiye par tiir ḳhatā hotā hai

dil kā ḳhuuñ tum ne kiyā ḳhuun kā paanī ġham ne

ab tap-e-ġham se vo paanī bhī havā hotā hai

Dūbne vaale pahuñch jā.eñge sāhil pe ḳhabar

dāman-e-maut pe sab haal likhā hotā hai

aap achchhe haiñ magar aap kā ye naaz burā

ek se ek zamāne meñ sivā hotā hai

paikar-e-zulm-o-jafā arsh na hil jaa.e kahīñ

dil dukhānā kisī bekas kā burā hotā hai

ishq ke dam se bagūloñ ko hai gardish 'iqbāl'

varna in ḳhaak ke zarrāt meñ kyā hotā hai

ghair par zulm mere hote ye kya hota hai

dekhiye dekhiye par tir KHata hota hai

dil ka KHun tum ne kiya KHun ka pani gham ne

ab tap-e-gham se wo pani bhi hawa hota hai

Dubne wale pahunch jaenge sahil pe KHabar

daman-e-maut pe sab haal likha hota hai

aap achchhe hain magar aap ka ye naz bura

ek se ek zamane mein siwa hota hai

paikar-e-zulm-o-jafa arsh na hil jae kahin

dil dukhana kisi bekas ka bura hota hai

ishq ke dam se bagulon ko hai gardish 'iqbaal'

warna in KHak ke zarraat mein kya hota hai