gali kuchon mein jab sab jal-bujha aahista aahista

galī kūchoñ meñ jab sab jal-bujhā āhista āhista

gharoñ se kuchh dhuāñ uThtā rahā āhista āhista

ka.ī bechainiyoñ kī shiddat-e-iz.hār kī ḳhātir

mujhe har lafz par ruknā paḌā āhista āhista

adam hastī fanā aur phir baqā ik dā.era sā hai

samajh meñ aa hī jā.egā ḳhudā āhista āhista

masīhā.ī kī sub.hoñ sabr kī rātoñ ke āñgan meñ

lahū bahtā rahā bahtā rahā āhista āhista

fasīl-e-shahr bante hī chale aa.e alam us ke

mirī pahchān kā parcham khulā āhista āhista

itā.at meñ bhī tahrīm-e-anā kī fikr lāzim hai

sar-e-taslīm bhī apnā jhukā āhista āhista

'munīr' ahl-e-tahammul kā junūñ se vāsta kyā hai

mohabbat jur.a jur.a aur vafā āhista āhista

gali kuchon mein jab sab jal-bujha aahista aahista

gharon se kuchh dhuan uThta raha aahista aahista

kai bechainiyon ki shiddat-e-izhaar ki KHatir

mujhe har lafz par rukna paDa aahista aahista

adam hasti fana aur phir baqa ek daera sa hai

samajh mein aa hi jaega KHuda aahista aahista

masihai ki subhon sabr ki raaton ke aangan mein

lahu bahta raha bahta raha aahista aahista

fasil-e-shahr bante hi chale aae alam us ke

meri pahchan ka parcham khula aahista aahista

itaat mein bhi tahrim-e-ana ki fikr lazim hai

sar-e-taslim bhi apna jhuka aahista aahista

'munir' ahl-e-tahammul ka junun se wasta kya hai

mohabbat jura jura aur wafa aahista aahista