gali mein baKHt ke un ka bhi kuchh qissa nikal aaya
galī meñ baḳht ke un kā bhī kuchh qissa nikal aayā
huī thī sulh kis mushkil se phir jhagḌā nikal aayā
maiñ apne shor ke sadqe ki dekhā aaj to us ko
bharā ġhusse meñ ghar se shoḳh be-parvā nikal aayā
nadāmat jo huī deñ gāliyāñ afsāna-goyoñ ko
vo sunte the kahānī zikr kuchh merā nikal aayā
kisī kā ghar nahīñ ye to galī hai soch o zālim
ghar uktā kis liye hai bhuul kar is jā nikal aayā
mirī taqdīr badlī zo.af se āvāz kyā badlī
vo apne dil meñ dushman kī sadā samjhā nikal aayā
jo sach pūchho to sadqe meñ tumhāre aks aariz ke
kañval phūle diloñ ke rañg ġhunchoñ kā nikal aayā
'nasīm' un ko jo apnā jazb-e-ḳhātir is taraf laayā
gale mil mil ke ro.e hausla dil kā nikal aayā
gali mein baKHt ke un ka bhi kuchh qissa nikal aaya
hui thi sulh kis mushkil se phir jhagDa nikal aaya
main apne shor ke sadqe ki dekha aaj to us ko
bhara ghusse mein ghar se shoKH be-parwa nikal aaya
nadamat jo hui den galiyan afsana-goyon ko
wo sunte the kahani zikr kuchh mera nikal aaya
kisi ka ghar nahin ye to gali hai soch o zalim
ghar ukta kis liye hai bhul kar is ja nikal aaya
meri taqdir badli zoaf se aawaz kya badli
wo apne dil mein dushman ki sada samjha nikal aaya
jo sach puchho to sadqe mein tumhaare aks aariz ke
kanwal phule dilon ke rang ghunchon ka nikal aaya
'nasim' un ko jo apna jazb-e-KHatir is taraf laya
gale mil mil ke roe hausla dil ka nikal aaya
Source:
Kulliyat-e-Naseem (Pg. 182)
- Author: Naseem Dehlvi
-
- Edition: 1966
- Publisher: Syed Imtiyaz Ali Taj, Majlis-e-Taraqqi-e-Adab, Lahore
- Year of Publication: 1966
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
