gham-e-dauran ne bhi sikhe gham-e-jaanan ke chalan

ġham-e-daurāñ ne bhī sīkhe ġham-e-jānāñ ke chalan

vahī sochī huī chāleñ vahī be-sāḳhta-pan

vahī iqrār meñ inkār ke lākhoñ pahlū

vahī hoñToñ pe tabassum vahī abrū pe shikan

kis ko dekhā hai ki pindār-e-nazar ke bā-vasf

ek lamhe ke liye ruk ga.ī dil kī dhaḌkan

kaun sī fasl meñ is baar mile haiñ tujh se

ki na parvā-e-garebāñ hai na fikr-e-dāman

ab to chubhtī hai havā barf ke maidānoñ kī

un dinoñ jism ke ehsās se jaltā thā badan

aisī suunī to kabhī shām-e-ġharībāñ bhī na thī

dil bujhe jaate haiñ ai tīrgī-e-sub.h-e-vatan

gham-e-dauran ne bhi sikhe gham-e-jaanan ke chalan

wahi sochi hui chaalen wahi be-saKHta-pan

wahi iqrar mein inkar ke lakhon pahlu

wahi honTon pe tabassum wahi abru pe shikan

kis ko dekha hai ki pindar-e-nazar ke ba-wasf

ek lamhe ke liye ruk gai dil ki dhaDkan

kaun si fasl mein is bar mile hain tujh se

ki na parwa-e-gareban hai na fikr-e-daman

ab to chubhti hai hawa barf ke maidanon ki

un dinon jism ke ehsas se jalta tha badan

aisi suni to kabhi sham-e-ghariban bhi na thi

dil bujhe jate hain ai tirgi-e-subh-e-watan