gham-e-gunah se fikr-e-najat se uljhe

ġham-e-gunāh se fikr-e-najāt se uljhe

tamām umr ham afsūn-e-zāt se uljhe

tavahhumāt se ik jang thī jo jaarī rahī

sahāb-e-marg na abr-e-hayāt se uljhe

nafas nafas pe nigāheñ tirī badaltī rahīñ

qadam qadam pe na.e hādsāt se uljhe

tujhe jo maan liyā ham ne bas vo maan liyā

zabāñ sifat pe na kholī na zaat se uljhe

kabhī ḳhirad se nipaTnā paḌā kabhī dil se

taġhayyurāt se uljhe sabāt se uljhe

bahut satāyā guzishta dinoñ kī yādoñ ne

yahī nahīñ ki na.e vāqi.āt se uljhe

tazād laakh rahā phir bhī zindagī ke liye

ġham-e-anā se ġham-e-kā.enāt se uljhe

ham is zamāne meñ kis ko sunā.eñ kaun sune

dil-o-nigāh kī jin vārdāt se uljhe

bisāt-e-zīst sajā.ī tirī ḳhushī ke liye

na jiit se kabhī uljhe na maat se uljhe

hamīñ ne terī nigāh-e-ġhazab ko jhelā hai

hamīñ tirī nigah-e-iltifāt se uljhe

gham-e-gunah se fikr-e-najat se uljhe

tamam umr hum afsun-e-zat se uljhe

tawahhumat se ek jang thi jo jari rahi

sahab-e-marg na abr-e-hayat se uljhe

nafas nafas pe nigahen teri badalti rahin

qadam qadam pe nae hadsat se uljhe

tujhe jo man liya hum ne bas wo man liya

zaban sifat pe na kholi na zat se uljhe

kabhi KHirad se nipaTna paDa kabhi dil se

taghayyuraat se uljhe sabaat se uljhe

bahut sataya guzishta dinon ki yaadon ne

yahi nahin ki nae waqiat se uljhe

tazad lakh raha phir bhi zindagi ke liye

gham-e-ana se gham-e-kaenat se uljhe

hum is zamane mein kis ko sunaen kaun sune

dil-o-nigah ki jin wardat se uljhe

bisat-e-zist sajai teri KHushi ke liye

na jit se kabhi uljhe na mat se uljhe

hamin ne teri nigah-e-ghazab ko jhela hai

hamin teri nigah-e-iltifat se uljhe