gham-e-hayat se jab wasta paDa hoga

Asad Bhopali

gham-e-hayat se jab wasta paDa hoga

Asad Bhopali

MORE BYAsad Bhopali

    ġham-e-hayāt se jab vāsta paḌā hogā

    mujhe bhī aap ne dil se bhulā diyā hogā

    sunā hai aaj vo ġhamgīn the malūl se the

    koī ḳharāb-e-vafā yaad aa gayā hogā

    navāzisheñ hoñ bahut ehtiyāt se varna

    mirī tabāhī se tum par bhī tabsirā hogā

    kisī aaj sahārā liyā to hai dil ne

    magar vo dard bahut sabr-āzmā hogā

    judā.ī ishq taqdīr sahī ġham-ḳhvār

    magar na jaane vahāñ un haal kyā hogā

    bas aa bhī jaao badal deñ hayāt taqdīr

    hamāre saath zamāne faisla hogā

    ḳhayāl-e-qurbat-e-mahbūb chhoḌ dāman chhoḌ

    ki merā farz mirī raah dekhtā hogā

    bas ek nāra-e-rindāna ek jur.a-e-talḳh

    phir us ke baad jo aalam bhī ho nayā hogā

    mujhī se shikva-e-gustāḳhi-e-nazar kyuuñ hai

    tumheñ to saarā zamāna dekhtā hogā

    'asad' ko tum nahīñ pahchānte ta.ajjub hai

    use to shahr har shaḳhs jāntā hogā

    gham-e-hayat se jab wasta paDa hoga

    mujhe bhi aap ne dil se bhula diya hoga

    suna hai aaj wo ghamgin the malul se the

    koi KHarab-e-wafa yaad aa gaya hoga

    nawazishen hon bahut ehtiyat se warna

    meri tabahi se tum par bhi tabsira hoga

    kisi ka aaj sahaara liya to hai dil ne

    magar wo dard bahut sabr-azma hoga

    judai ishq ki taqdir hi sahi gham-KHwar

    magar na jaane wahan un ka haal kya hoga

    bas aa bhi jao badal den hayat ki taqdir

    hamare sath zamane ka faisla hoga

    KHayal-e-qurbat-e-mahbub chhoD daman chhoD

    ki mera farz meri rah dekhta hoga

    bas ek nara-e-rindana ek jura-e-talKH

    phir us ke baad jo aalam bhi ho naya hoga

    mujhi se shikwa-e-gustaKHi-e-nazar kyun hai

    tumhein to sara zamana hi dekhta hoga

    'asad' ko tum nahin pahchante tajjub hai

    use to shahr ka har shaKHs jaanta hoga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY