gham-e-jahan hua ya wo hijr-e-yar hua

ġham-e-jahān huā yā vo hijr-e-yār huā

na pūchh dāman-e-dil kaise tārtār huā

rahe haiñ maslak-e-vahdāniyat ke ham qaa.il

bas ek 'ishq huā aur divāna-vār huā

uḌā ke laa.ī hai kis zulf-o-pairahan kī mahak

nafas havā-e-mu’ambar se mushk-bār huā

qarār chain sukūñ dil kā ho gayā ruḳhsat

kisī ke 'ishq meñ lāhaq vo iztirār huā

qaaf

mirī talab thī qanā'at se māvarā yuuñ bhī

hazār shukr tirā lutf be-shumār huā

suḳhan meñ utrī hai tāsīr mo'jize kī tarah

ye terā ġham to mujhe ḳhuub sāzgār huā

kiyā jo tum ne nahīñ pyaar kārobār thā vo

kiyā jo ham ne 'ibādat meñ vo shumār huā

'ināyatoñ se tirī harf ho ga.e raushan

tirā karam hai suḳhan aisā shāhkār huā

kisī nazar se khilā phuul dil kā yuuñ 'nasrīñ'

ḳhizāñ kā daur mujhe mausam-e-bahār huā

gham-e-jahan hua ya wo hijr-e-yar hua

na puchh daman-e-dil kaise tartar hua

rahe hain maslak-e-wahdaniyat ke hum qail

bas ek 'ishq hua aur diwana-war hua

uDa ke lai hai kis zulf-o-pairahan ki mahak

nafas hawa-e-mu’ambar se mushk-bar hua

qarar chain sukun dil ka ho gaya ruKHsat

kisi ke 'ishq mein lahaq wo iztirar hua

qaf

meri talab thi qana'at se mawara yun bhi

hazar shukr tera lutf be-shumar hua

suKHan mein utri hai tasir mo'jize ki tarah

ye tera gham to mujhe KHub sazgar hua

kiya jo tum ne nahin pyar karobar tha wo

kiya jo hum ne 'ibaadat mein wo shumar hua

'inayaton se teri harf ho gae raushan

tera karam hai suKHan aisa shahkar hua

kisi nazar se khila phul dil ka yun 'nasrin'

KHizan ka daur mujhe mausam-e-bahaar hua