gham-e-mohabbat hai kar-farma dua se pahle asar se pahle

ġham-e-mohabbat hai kār-farmā duā se pahle asar se pahle

batā rahī hai ye dil kī dhaḌkan vo aa rahe haiñ ḳhabar se pahle

ye kis ke gesū se maañg laa.ī nasīm nik.hat sahar se pahle

fazā-e-gulshan udaas sī thī shamīm-e-ambar-asar se pahle

bajā.e ḳhuuñ mai jhalak rahī hai hamārī rag rag se ab to saaqī

bahut hī be-kaif zindagī thī ḳhumār-āgīñ nazar se pahle

nazar nazar aks rū-e-jānāñ nafas nafas be-ḳhudī kā aalam

hijāb yuuñ darmiyāñ se uTThā nazar milī yuuñ nazar se pahle

ġhurūr vīrāniyoñ pe apnī abas bayābāñ ko is qadar hai

rivāj paayā hai ye tarīqa haqīqatan mere ghar se pahle

ye ahl-e-vahshat kā hausla hai ḳhizāñ pe qabza hai fasl-e-gul kā

vo baḌh ke sīna-sipar hue haiñ gumān-e-barq-o-sharar se pahle

nuqūsh-e-sajda pe aaj mere vo naqsh-e-pā sabt kar rahe haiñ

mire muqaddar kī yāvarī kā ye naqsh uTThā kidhar se pahle

kabhī tasavvur meñ aa.e bhī to ghanerī zulfoñ ko ruḳh pe Daale

hamārī qismat meñ shām-e-ġham thī numūd-e-nūr-e-sahar se pahle

jahāñ kī rañgīniyoñ se ab tak 'vaqār' bilkul hī be-ḳhabar the

asīr-e-jalva nazar thī apnī shu.ūr-e-zauq-e-nazar se pahle

gham-e-mohabbat hai kar-farma dua se pahle asar se pahle

bata rahi hai ye dil ki dhaDkan wo aa rahe hain KHabar se pahle

ye kis ke gesu se mang lai nasim nikhat sahar se pahle

faza-e-gulshan udas si thi shamim-e-ambar-asar se pahle

bajae KHun mai jhalak rahi hai hamari rag rag se ab to saqi

bahut hi be-kaif zindagi thi KHumar-agin nazar se pahle

nazar nazar aks ru-e-jaanan nafas nafas be-KHudi ka aalam

hijab yun darmiyan se uTTha nazar mili yun nazar se pahle

ghurur viraniyon pe apni abas bayaban ko is qadar hai

riwaj paya hai ye tariqa haqiqatan mere ghar se pahle

ye ahl-e-wahshat ka hausla hai KHizan pe qabza hai fasl-e-gul ka

wo baDh ke sina-sipar hue hain guman-e-barq-o-sharar se pahle

nuqush-e-sajda pe aaj mere wo naqsh-e-pa sabt kar rahe hain

mere muqaddar ki yawari ka ye naqsh uTTha kidhar se pahle

kabhi tasawwur mein aae bhi to ghaneri zulfon ko ruKH pe Dale

hamari qismat mein sham-e-gham thi numud-e-nur-e-sahar se pahle

jahan ki ranginiyon se ab tak 'waqar' bilkul hi be-KHabar the

asir-e-jalwa nazar thi apni shuur-e-zauq-e-nazar se pahle