gham hazaron dil-e-hazin tanha

ġham hazāroñ dil-e-hazīñ tanhā

bojh kitne haiñ aur zamīñ tanhā

bas ga.e yaar shahr meñ jā kar

rah ga.e dasht meñ hamīñ tanhā

apne pyāroñ ko yaad kartā hai

aadmī ho agar kahīñ tanhā

terī yādoñ kā ik hujūm bhī hai

aaj kī raat maiñ nahīñ tanhā

vo kisī bazm meñ na aa.egā

gosha-e-dil kā vo makīñ tanhā

kārobār-e-hayāt kā hāsil

ek daulat hī to nahīñ tanhā

dil na ho gar namāz meñ hāzir

hai abas sajda-e-jabīñ tanhā

mere arham kabhī to is dil meñ

ho tirā ḳhauf-e-jāguzīñ tanhā

merā sāmān-e-āḳhirat maulā

chashm-e-nādim kā ik nagīñ tanhā

gham hazaron dil-e-hazin tanha

bojh kitne hain aur zamin tanha

bas gae yar shahr mein ja kar

rah gae dasht mein hamin tanha

apne pyaron ko yaad karta hai

aadmi ho agar kahin tanha

teri yaadon ka ek hujum bhi hai

aaj ki raat main nahin tanha

wo kisi bazm mein na aaega

gosha-e-dil ka wo makin tanha

karobar-e-hayat ka hasil

ek daulat hi to nahin tanha

dil na ho gar namaz mein hazir

hai abas sajda-e-jabin tanha

mere arham kabhi to is dil mein

ho tera KHauf-e-jaguzin tanha

mera saman-e-aKHirat maula

chashm-e-nadim ka ek nagin tanha